“Ag nee, ffs “, sê my man wat aljimmer ‘n stuiwer het om in die armbeurs te gooi, “hierdie Amerikaanse politiek is nou besig om te ontaard in ‘n sirkus. Die enigste verskil is dat ‘n sirkus ‘n hoogs georganiseerde bedryf is. O ja, en moenie vergeet nie, g’n sirkus sal hom ophou met so ‘n ou klomp geriatriese narre nie. As hulle oor hulle eie voete val, sal jy ‘n oorverdowene gekraak van heupbene hoor”.
Ek is nou nie iemand wat my ophou met politiek nie, maar sodra iemand sy groot mond rek oor ouderdom en senior burgers, staan my ore onmiddellik op aandag. Natuurlik spring ek onmiddellik op Dr Google om te verneem waaroor die man praat, en wragtag, die kandidaat-presidente sal geen probleem hê met ‘n aansoek vir verblyf in ‘n ouetehuis nie. Bernie is 74, Donald 69 en Hillary 68. Sjoe! Die uittredene president is dan nou maar eers 56.
“Dit wys jou net”, sê ek vir my man. “Wat wys dit?” vra hy nog voordat ek kan verduidelik ougoed is hougoed … of so iets; ek kan nou nie eintlik onthou wat my oorspronklike argument veronderstel was om te wees nie. “Wys dit dat dalk die ouetehuise gaan leegloop; dat alle oumense nou Parlement toe gaan?” Nou nie presies so daaraan gedink nie, maar dit mag dalk ‘n goeie idee wees. Die ‘jongeres’ (onder 60) kan hulle basse lig en gaan werk, terwyl ons oues van dae (bo 60’s) die land ordentlik kan regeer en die belasting kan invorder. Ons het die kennis, die tyd en die geleerdheid ook (nie dat laasgenoemde ‘n probleem is nie – as jy nie die regte geleerdheid het nie, kan reëlings getref word vir ‘n eredoktorsgraad).
Daar is net een probleem: om vir president te staan, grawe almal ou koeie uit die sloot, gooi jou met die modder uit dieselfde sloot en basuin dan die sondes van jou huidige en vorige lewens uit op facebook en / of op televisie. As jy op daardie podiums wil staan en self modder gooi, beter jy sorg dat daar nie geraamtes in jou kas is nie, oftewel nie ou koeie in die sloot nie.
Vandag is ek dus besig om my familiegeskiedenis na te vors sodat ek kan weet waar die ratelende beendere gebêre word.
Is daar iemand wat bereid is om finansieel by te dra tot my veldtog? (*Fluister*: ek het al baie tenderdokumente opgetrek in hierdie leeftyd, e-pos net vir my jou naam en id nommer saam met die bydrae.)
Jy het vergeet dat ’n mens eers in Suid-Afrika vir president kan staan as jy al ’n rukkie tronkstraf uitgedien het, of minstens een kriminele klagstaat teen jou het…:)
LikeLiked by 3 people
Ja, ek skiet alweer tekort 😛
LikeLiked by 1 person
Jy kan altyd leg oor jou jong dae… ek het gehoor jy’t boom gerook en die Natte het jou laat toesluit! Rerig! 😉
LikeLiked by 1 person
Nee, ek was ‘n bedaarde ou meisietjie. Ek het darem eenkeer my man met ‘n asbak gegooi – tel dit vir domestic violence?
LikeLike
Nee! Jy moet LIEG!! Sorry… netnou het ek nie spell check getjêk nie en toe skryf ek leg! Lieg dame… jy moet nou vuil wasgoed in die masjien gooi… dan sal jy straat kred kry! Lieg! 😉
LikeLiked by 1 person
*skok* ons lieg nie hier nie – ons laat net nie toe dat die feite in die pad staan van ‘n goeie storie nie!
LikeLike
Maar jy kan mos werk daaraan! 😉
LikeLiked by 1 person
Ek onthou van Voster en Mandela was/is daar NOG ?
LikeLiked by 1 person
Grapkas! Ek maak my uit die voete uit hierdie geselskap. Vryheid van spraak is nie meer alte vry nie.
LikeLiked by 1 person
Zuma is 74, en Mugabe 90 (so ook Liesbet van Brittanje)
LikeLiked by 1 person
Sien jy nou, die oues van dae hou die leisels nog styf – al weet ons nou nie altyd waarheen die pad lei nie 😀
LikeLiked by 1 person
Vrot vuil velle! Gaan jy staan vir oompie Zuma se stoel!! Whooppee hoeraaaa!! Dan kom ek terug! Ek sal jou kar bedruif… en bestuur! Ek sal seker maak al die stink beendere in die boot toegegooi word met al die see se skulpe! En as jy my ‘n ou paar duisend randjies stuur vir resettlement dan kan ek nog gouer daar uitkom!
Dink net… julle het nie ver om te trek na daai grasdak perseel daar noord van Durbs nie!! 😈
LikeLiked by 1 person
haha, ek sal dit oorweeg om jou aan te stel in my kabinet The Honourable OMBH Vosse
LikeLike
OOOOOE VVV!! Nou praat ons nuwe koningin! Kan ek antie Winnie se stoel kry??
LikeLiked by 1 person
Eet weel bee my onor
LikeLiked by 1 person
Arm mense kom nie in die parlement nie… en die meeste ouer mense hierrond is maar armerig
LikeLiked by 1 person
Jy hoef nie self geld te hê nie; jy moet net mense met diep sakke ken
LikeLiked by 1 person
Mense met diep sakke is gewoonlik mos suinig
LikeLiked by 1 person
Waar dit by bribery kom, het elke ou sy prys
LikeLiked by 1 person
That does it – ek volg jou. Jy het ‘n ontwikkelde humorsin (jou kollega met klienkind tesis ook – die een in Gogo). Ek werk in die finansiële bedryf en ‘n kliënt (82 jaar oud) skryf vir ons ‘n brief waarin hy ‘n sin aanhaal uit ‘n staat wat hy ontvang het: “Inkomsteverklarings bestaan uit rente, dividende, REIT inkomste en Ander Inkomste”. Op sy beurt vra hy dat ons die WBK formule op die REIT moet toepas en hom dienooreenkomstig inlig. Ek (en my vriend google) ken nie die WBK formule nie en ek besluit om hom te bel. Meneer kan u ons meer inligting gee oor u versoek. Hy antwoord met ‘n kraakvars stem (nie met potensieel krakerige stem van 82 -jarige nie): Julle het ‘n stelling gemaak wat ek nie verstaan het nie, toe besluit ek om ‘n stelling te maak wat julle nie sal verstaan nie 🙂
LikeLiked by 3 people
A, ‘n senior burger so na my hart! Ek haat akronieme met ‘n passie. DAnjie vir die kom lees, ek gaan beslis by jou ook ‘n draai maak. Ek het nie besef hoeveel Afrikaanse geselskap op WordPress rondbeweeg nie – dis ‘n aangename verassing.
LikeLike
Ek sal jou ‘n gesonde bord kos gee as jy hier verby ry oppad parlement toe.
Terwyl jy so besig is google sommer waar op aarde kom die woord parlement vandaan…..
LikeLiked by 1 person
My pa het hierdie een vir my uitgelê: ‘n parlement het ontstaan uit oeroue Frans iewers in die Middeleeue en beteken “plek waar jy kan praat”. Dis mos wat hulle doen in die parlement, hulle praat. Die boere het ook hulle buitehuisies parlemente genoem en as jy die twee nou saamvoeg, kom dit neer op die “plek waar jy k@k praat”. Dis mos wat hulle in die parlement doen.
LikeLiked by 1 person
O ja, ek baie van vars groente, jy hoef nie ‘n skaap te slag nie, maar dankie 😀
LikeLike
Ag, maar jy is tog te skerp vandag! En so van geraamtes gepraat, People who lives in glass houses … should not undress themselves! 😉
LikeLiked by 2 people
Whahaha – at least not when the lights are on.
LikeLiked by 1 person
Nou het ek darem lekker aan die kommentaar gelees ook. Jul is almal darem so bekkig oor die oues en die regeerders. He, he ek lag nog steeds.
LikeLiked by 1 person
Ek lees altyd die kommentaar op ander blogs ook, want dit is partykeer goud wat daar uitkom.
LikeLike
Ja dis beslis partykeer amper beter as die pos self.
LikeLiked by 1 person
Hoeraaa…Hester vir hoër dinge!!
LikeLiked by 1 person
😀
LikeLike
GELD vir ONS FAMILIEWORTELS NAVORS??! Nee nee stop asseblief dadelik. Ek kry koue rillings by die gedagte aan wat al die voorsate kon-en aangevang het. As jy daardie rigting wil inslaan, sal ek vir jou kalmeerpil voorskrifte aanstuur…. verniet…..:D
LikeLiked by 1 person
Wat maak jou so bevrees? Ken jy familiegeime wat ek nie ken nie?
LikeLike
Moenie geld betaal vir familienavorsing nie – staan net vir die een of ander politieke posisie en die oposisie doen dit vir jou gratis en verniet…
LikeLiked by 1 person
Ja, maar jy sien, ek wil juis seker maak daar is NIE skandalige stories in my verlede wat deur politici opgerakel kan word nie. Ek wil tog nie in verleentheid gestel word nie 😀
LikeLike
lol… Hester, jy het my stem 🙂
LikeLiked by 1 person
Dankie 😀 Jy sal in my kabinet wees
LikeLiked by 1 person
Ek soek dibs op Kuns en Kultuur; l
LikeLiked by 1 person
Ek hou niks van politiek nie…. dus jammer Hester, maar ek gaan nie vir jou stem nie, ook wil ek nie ‘n posisie in die parlement hê nie. Wil nie in die koerant kom waar ek in die parlement sit en slaap nie.
LikeLiked by 1 person
The Honorables wat in my parlement slaap, word summier uitgejaag. Ek stel ook geensins belang in politiekery nie (hoewel ek die belange van die land en mense op die hart dra), maar so nou en dan gee ek nie om om bietjie die draak te steek met die soort van sirkus nie.
LikeLiked by 1 person