Sleutelwoorde

, ,

In die korporatiewe wêreld en politiek word voortdurend gemaan dat die bigger picture altyd in gedagte gehou moet word wanneer beplanning en strategie onder die loep geneem word, maar in werklikheid is dit die klein boutjies en moertjies wat keer dat die bus se wiele nie afval nie.

Dieselfde prinsiep kan toegepas word in die daaglikse lewe ook. Rondom ons het alle gesprekke na die afgelope naweek net gegaan oor die sterk winde en hoë getygolwe wat die oorsaak was van die klomp “gemors” wat op die strand uitgespoel is. Ons binnelanders (nou bekeerd tot die kuslewe) het egter onsself verwonder aan die verskeidenheid van kleurvolle kunswerke op die strand en sommer die hele bigger picture misgekyk.

Hierdie bus se wiele is nog stewig vas.

Advertisements